РЦИ-Аланийы Национ наукон чиныгдоны æххæст кæнынц ахуырадон проект

Литературæ æмæ кинематорграфы бастдзинад, уыимæ нæ бæстæ æмæ дунейы историйы æвдыст куыд цæуы. Уый тыххæй бæстонæй дзырд цæуы ахуырадон проект "Буквы и кадры"-йы. Æххæст æй кæнынц национ наукон чиныгдоны. Йæ автор — аивадон литературæйы хайады кусæг, Цæгат Ирыстоны паддзахадон университеты аивæдты факультеты ахуыргæнæг Цырыхаты Георгий. Проектмæ гæсгæ, сфæлдыстад æмæ сæ экранизаци æвдыст цæудзæн интерактивон лекциты хуызы. Бинонты афæдзы фæглæты ныхас кодтой Михалковты бинонты сфæлдыстадыл: фыссæг Сергей Михалков æмæ йæ сывæллæттæ — зындгонд кинорежиссертæ Никита Михалков æмæ Андрей Кончаловский.