Хуссар Ирыстон бабæрæг кодта Уæрæсейы Кавказы хъуыддæгты фæдыл министрад

Хуссар Ирыстон кусæг балцимæ бабæрæг кодта Уæрæсейы Кавказы хъуыддæгты фæдыл министрад. Делегацийы сæргъы разамонæджы хæдивæг Игорь Кошин. Министрады кусджытимæ Цхинвалы сæмбæлдысты хицауады аппараты уæнгтæ æмæ Уæрæсейы арæзтад æмæ цæрæнуæттæ комуналон хæдзарады министрады минæвæрттæ. Бабæрæг кодтой ног объектты арæзтад. Сæрмагондæй аргъ скодтой арæндон, сывæллæтты рæвдауæндон æмæ хъалонисæн службæйы бæстыхайтты арæзтадæн. Арæндоны цæуынц кæронбæттæн куыстытæ, октябры кæрон хъуамæ сцæттæ уа. Уæдæ зæрдæ бавæрдтой, иннæ объекттæн дæр афæдзы кæронмæ дуæрттæ байтындзын сæ бон кæй бауыдзæн, уымæй.  Игорь Кошин федта Цхинвалы астæу фысымуат «Ирыстон»-ы æмæ йæ фарсмæ фонтаны арæзтад цы уавæры сты уый дæр. Цы хъæндзинæдтæ рабæрæг кодтой æмæ цавæр аиппытæ аиуварс кæнын хъæуы, уый тыххæй делегацийы минæвæрттæ æрныхас кодтой президенты æмæ Хуссар Ирыстоны хицауады уæнгтимæ куыстадон æмбырды. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv