Рахизфарсы районы рынчындоны сӕвӕрдтой медицинон ног кусӕнгӕрзтӕ

Фыццаг медицинон æххуысы модернизаци Цæгат Ирыстоны цæуы къæпхæнгай. Зæгъæм, Рахизфарсы районы рынчындоны ис хи флюорограф цæлхытыл. Йӕ руаджы цæрджыты диспансеризаци фенцондæр. Уӕлдайдӕр дæрддзæф хъæуты. Ацы флюорографийы аппарат у мобилон. Рахизфарсы районы æппæт хъæутæм дæр æй аласынц. Уымæй уæлдай, йæ фæрцы дохтыртæ бæрæг кæнынц муниципалон æмæ паддзахадон уагдæтты кусджыты æнæниздзинад. Фыццаг медицинон æххуысы гӕнӕнтӕ рынчындоны ног кæнынц къæпхæнгай. Æрæджы функционалон иртæстыты хайады фæзынд нырыккон электрокардиограф. Тæгъзиаты Азæ фæлтæрдджын дохтыр у. Ныртæккæ йын зæрдæйы низтæ сбæрæг кæнын фенцондæр. Амбулаторон хирургийы центры дæр хуыздæр уавæртæ фæзынд. Национ проект «Æнæниздзинад»-мæ гæсгæ балхæдтой лапароскопийæйы аппарат. Дохтыртæ йæм рагæй бæллыдысты. Хæстæгдӕр рæстæг рынчындоны æнхъæлмæ кæсынц ног кусæнгæрзтæм. Се 'хсæн æвæстиаты æххуыс бакæнынæн æмбæгæ дзауматæ. Ног аппараттимæ кусынц æрмæст фæлтæрдджын дохтыртæ. Æрцæуынц сӕм æндæр регионтæй дæр. Ныртæккæ нæхи дохтыртæй дæр бирæтæ Мæскуыйы ковид-госпиталтæй æрыздæхтысты. Уымæй уæлдай, медицинон кусджытæ цæуынц дæсныйад уæлдæргæнæнæн ахуыртæ. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv