Сергей Меняйло хæрзиуджытæ саккаг кодта республикæйы педагогон фæллойады ветерантæн
Ахуыргæнæджы боны агъоммæ Сергей Меняйло фембæлд педагогон фæллойады ветерантимæ - республикæйы ахуырадон организациты ахуыргæнджытæ æмæ разамонджытимæ. Цæгат Ирыстоны сæргълæууæг сын арфæ ракодта сæ профессионалон бæрæгбоны фæдыл, фæнысан сын кодта сæ дæсныйады ахадындзинад. Сергей Меняйло бирæ азты дæсныйады æвæллайгæ куысты фæдыл педагогтæн радта аккаг хæрзиуджытæ. Фæсивæды ахуырад æмæ хъомыладмæ стыр æвæрæн кæй бахаста, уый тыххæй «Ирыстоны намысы» майданæй хорзæхджынгонд æрыд Дзæуджыхъæуы 30-æм скъолайы лиректор Хъараты Людмилæ. «За верность профессии», зæгъгæ, риуылдаргæ нысан саккаг кодтой ахуырадон центр «Интеллект»-ы директор Гæлæуты Беллæйæн, Беслæны фыццæгæм скъолайы историйы ахуыргæнæг Гуыриаты Надеждæ æмæ Елхоты бирæвæрсыг колледжы директор Хъайтыхъты Григорийæн. Фондз ахуыргæнæгæн та радтой кадджын кусæджы нæмттæ, дыууæйæ райстой Кады гæххæттытæ Уæрæсейы рухстауынады министрадæй.
Ахуыргæнæджы боны агъоммæ Сергей Меняйло фембæлд педагогон фæллойады ветерантимæ - республикæйы ахуырадон организациты ахуыргæнджытæ æмæ разамонджытимæ. Цæгат Ирыстоны сæргълæууæг сын арфæ ракодта сæ профессионалон бæрæгбоны фæдыл, фæнысан сын кодта сæ дæсныйады ахадындзинад. Сергей Меняйло бирæ азты дæсныйады æвæллайгæ куысты фæдыл педагогтæн радта аккаг хæрзиуджытæ. Фæсивæды ахуырад æмæ хъомыладмæ стыр æвæрæн кæй бахаста, уый тыххæй «Ирыстоны намысы» майданæй хорзæхджынгонд æрыд Дзæуджыхъæуы 30-æм скъолайы лиректор Хъараты Людмилæ. «За верность профессии», зæгъгæ, риуылдаргæ нысан саккаг кодтой ахуырадон центр «Интеллект»-ы директор Гæлæуты Беллæйæн, Беслæны фыццæгæм скъолайы историйы ахуыргæнæг Гуыриаты Надеждæ æмæ Елхоты бирæвæрсыг колледжы директор Хъайтыхъты Григорийæн. Фондз ахуыргæнæгæн та радтой кадджын кусæджы нæмттæ, дыууæйæ райстой Кады гæххæттытæ Уæрæсейы рухстауынады министрадæй.