Республикæйы сæргълæууæг Сергей Меняйло лекци бакаст

Фæлтæрддзинад æмæ зонындзинæдтæй фæхай кæнын кæстæртæн. Республикæйы сæргълæууæг Сергей Меняйло лекци бакаст фидæны дипломаттæн - Æппæтадæмон ахастдзинæдты мæскуыйаг паддзахадон институты студенттæн. Сергей Меняйло фæсивæдæн радзырдта Цæгат Ирыстоны тыххæй, бæлвырд æрлæууыд регионы экономикæйыл. Лекцийы фæстæ та дзуæппытæ радта студентты фæрстытæн. Уæлдай æхсызгонæй та Сергей Меняйло иронау аныхас кодта, ирыстойнаг фæсивæдæй уым чи ахуыр кæны, уыдонимæ. Уæвгæ, фæсивæдмæ цымыдисаг кæсынц алывæрсыг темæтæ - Цæгат Ирыстоны экономикон райрæзт, инвесторты æххуыс, сæрмагонд æфсæддон операцийы бархионты архайд. Ныхас ма цыд æппæтадæмон ахастдзинæдты тыххæй дæр.