Радон рейд

Тæрхондоны пъырыстыфтæ æмæ "ЦæгатКавказэнерго"-йы кусджытæ иумæйаг басгæрстытæ сарæзтой. Фæкæнынц сæ мæй 2-3 хатты. Пъланмæ гæсгæ сæ фиддонты хæс 5 мин сомæй - 60 мин сомы кæмæн у, нæ горæты алы районты ахæм 10 хæдзары бабæрæг кодтой. Уыдон электрон тыхæн фиддонтæ бирæ рæстæг нæ фидынц. "ЦæгатКавказЭнерго"-йы кусджытæ куыд зæгъынц, афтæмæй Дзæуджыхъæуы цæрджытæ фиддонтæ тынг æвзæр æххæст кæнынц. Уыдонимæ ма æппæт хæдзарон электрон тыхæн, стæй лифтæй пайда кæныны лæггæдты хæстæ дæр бирæ сты. Æхца чи нæ фиды, уыдонимæ карздæрæй тох кæндзысты, суанг ма сын сæ мулк дæр фиддонты ныхмæ байсдзысты. Рейд саразджытæ Дзæуджыхъæуы цæрджытæм сидынц, цæмæй сæ фиддонтæ афойнадыл æххæст кæной æмæ. Быгъуылты Сослан:  «Цæгаткавказæнерго»-йы Дзæуджыхъæуы энерго - хайады разамонæджы хæдивæг». Электрон тыхæн афойнадыл чи нæ фиды, уыдонæн аразæм алыхуызон мадзæлттæ. Кæд сæ хæс æнæхъæнæй сæ бон нæу бафидын , уæд сын мах фадат дæттæм, цæмæй йæ хайгай ахицæн кæной. Уый тыххæй хъæуы æмбæлгæ бадзырд бафыссын æмæ уал хæсæн йе 30% бафидын. Цалынмæ йæ иннæ хæстæ фида, уæдмæ йын йæ электрон тых ничи алыг кæндзæн , стæй йæм пъырыстыфтæ дæр нæ бацæудзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv