Пъæлицæйæгтæ æрцахстой наркотиктæ чи парахат кодта, уыцы закъонхалджыты

Цæгат Ирыстоны наркотикты ныхмæ тохгæнæг пъæлицæйæгтæ æрцахстой, наркотиктæ æнæзакъонæй уæй кæныны тыххæй кæй азымджын кæнынц, уыдоны. Оперативон-агурæн мадзæлтты рæстæджы æнæзакъонæй наркотиктæ уæй кæныны ныхмæ тохгæнæг управленийы кусджытæ фæндаггон-патрулон службæйы пъæлицæйæгтимæ Мичурины хъæумæ фæндагыл баурæдтой хæдтулгæ. Оперативон информацимæ гæсгæ дзы бадтысты бынæттон дыууæ цæрæджы, 1988-æм æмæ 1991-æм азты гуырдтæ. Сæ дарæс сын куы басгæрстой, уæд дзы 31-аздзыд нæлгоймагмæ йæ хæлафы дзыппы ссардтой препарат «лирика»-йы цалдæр капсулæйы, стæй ма 2 граммæй фылдæр героин. Барадхъахъхъæнджытæ хæдтулгæмæ куы ’ркастысты, уæд уым та ссардтой 6 блистеры трамадолы фæйнæ 10 таблеткæимæ. Шофыры бадæны бын та уыд спичкæты 4 къоппы трамалы хостæ. Уыимæ ма дзы уыд медицинон шприцтæ æмæ наркотиктæй пайда кæнынæн авгæй флакон. Хæдтулгæйы багаждарæны та пъæлицæйы кусджытæ ссардтой 400 граммы бæрц марихуанæ. Иннæ нæлгоймагмæ та - Дзæуджыхъæуы 28-аздзыд цæрæгмæ- ссардтой 1 грамм героин. Йæ хæдзар басгаргæйæ та дзы разынд 100 таблеткæйы трамадол. Ныртæккæ закъонхалджытæ сты слестгæнæн изоляторы. Байгом сыл кодтой уголовон хъуыддæгтæ Уæрæсейы уголовон кодексы 228-æм статьяйы 1-æм æмæ 2-æм хæйттæм гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv