Гаражты арæзтады 34-æм кооперативты хицæуттæ нырма дæр иуварс кæнынц æвзæр боныхъæды фæстиуджытæ. Фæзуæттæ сыгъдæг кæнынц лами, дур, хъæд, быронæй. Ногæй аразынц къултæ æмæ дуæрттæ. Уæ зæрдыл уын æрлæууын кæндзыстæм, 18 июны тæрккъæвда кæй уыд. Уыцы бон доны бæрзæнд, цæрджыты ныхæстæм гæсгæ, хæццæ кодта 2 метрмæ. Кооперативы цур ис æрх. Къæвдайы рæстæг дон цæуы коллектортæм, фæлæ ахæм бирæ дон уыдон дæр нæ уромынц. Афтæ, цъыфы лæсæнтæ рагуылф кодтой Гаражты арæзтады кооперативмæ, дарддæр та Шмулевичы, Гудованцевы æмæ Магкæты Зурабы номыл уынгмæ. Ахæм зындзинæдтимæ гаражты хицæуттæ æмбæлынц æрвылаз. Цæрджытæ курынц фарста аиуварс кæнын.