Цæгат Ирыстоны джыбыты хæцты фæстæ инфекцион низтæ нысангонд не 'рцыд. Уæрæсейы фæлхасгæнджытæм  цæстдарды цæгатирыстойнаг управленийы специалисттæ кæнынц хæцгæ низтæ парахат кæнын ма руадзыны тыххӕй профилактикон куыст. Мартъийæ нырмæ медицинон уагдæттæм æххуысмæ бацыдысты 60 адæймаджы, джыбытæ кæуыл фæхæцыд, ахæмтæ. Уыдонæй 7 сты сывæллæттæ. Се 'ппæтмæ дæр сæ цæст дарынц дохтыртæ. Гигиенæ æмæ эпидемиологийы республикон центры, стæй йæ филиалты районты кусынц сæрмагонд пункттæ. Уым бæрæг кæнынц джыбыты хуыз. Дезинфекцион куыстуæттæ дæр архайынц фæлладуадзæн бынæтты сæрмагонд мадзæлттæ аразыныл - сæрдыгон дзæбæхгæнæн лагерты æмæ ахуырадон уагдæтты фæзуæтты.