Хъармгæнæн сезон фæци

Дзæуджыхъæуы хъармгæнæн æмгъуыд кæронмæ æрхæццæ ис. Ахсæв Дзæуджыхъæуы æппæт бирæуæладзыгон хæдзæртты дæр хъармгæгæн системæтæ ахуыссын кæндзысты. Ахæм уынаффæ бафыста Дзæуджыхъæуы администрацийы сæргълæууæг Æлбегаты Барис. Æхсæвы хъармдæттæг куыстуæттæ нал кусдзысты. Администрацийы кусджытæ фæбæлвырд кодтой, хъармгæнæн системæ уыцы-иу рæстæг нæ аххуыссын кæндзысты. Раздæр уал хъарм нал цæудзæн бирæуæладзыгон хæдзæрттæм. Рæвдауæндæтты æмæ рынчындæтты сæ аххуыссын кæндзысты æппынфæстаг. Дзæуджыхъæуы цæрæнуæтты коммуналон хæдзарады управленийы сæрдары ныхæстæм гæсгæ, рагагъоммæ гидрометцентрæй райстой боныхъæды тыххæй информаци. Синоптикты хъусынгæнинагмæ гæсгæ, Дзæуджыхъæуы температурæ 8 градусæй къаддæр нæ уыдзæн. Уый та ууыл дзурæг у, æмæ хъармæгæн системæ ахуыссынгæнæн ис. Кæд зымæг нырма æрæджы фæцис, уæддæр коммуналон службæты кусджытæн райдыдта фидæны уазæлттæм цæттæгæнæн рæстæг. Куыст та фагæй-фылдæр: хъармдæттæг хæтæлтæ хъæуы баивын, хъармгæнæнтæ та бацæттæ кæнын. Сæйраг нысан у, радон хъармгæнæн сезон Дзæуджыхъæуы районты æнæ аиппытæй æмæ æдыхстæй куыд ацæуа, ууыл бакусын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv