Уæрæсейы 20 субъекты баххæсой ног территориалон хыгъдмæ

Уæрæсейы премьер-министр Дмитрий Медведев бафыста уынаффæ, цæмæй Уæрæсейы 20 субъекты баххæсой ног территориалон хыгъдмæ. Уыдонæн хъуамæ барлæвæрд уа саразын территориалон райрæзты бынæттæ. Ног хыгъдмæ бахаудзысты республикæтæ Алтай, Буряти, Дагестан, Мæхъæл, Хъалмыхъ, Карели, Тыва, Кæсæг-Балхъар æмæ Хъæрæсе-Черкеси, Цæцæн æмæ Цæгат Ирыстон дæр. Уыдонæй уæлдай ма Фæсбайкалы, Камчаткæ æмæ Денджызбылы крайтæ. Стæй ма Архангельскы, Ивановы, Курганы, Магаданы, Псковы æмæ Дзуттæгты автономон облæсттæ, хъусын кæнынц министрты кабинеты сайты. Ацы территоритæ сты, социалон-экономикон интеграцийы бæрæггæнæнтæ къаддæр кæмæн сты, ахæмтæ. Ног гæххæтмæ гæсгæ, фаг гæнæнтæ цы регионтæм нæй, уыдонæн цыбыр рæстæгмæ хъуамæ сæ социалон-экономикон уавæр фæхуыздæр уа. Уæрæсейы территориалон райрæзты цыфæнды зонæ дæр у Уæрæсейы Федерацийы территориалон хай. Сæ социалон-экономикон райрæзтæн паддзахад аразы хуыздæр фадæттæ, экономикæмæ фылдæр инвестицитæ самал кæнынæн. Уæдæ сын ис паддзахадон æххуысы алы хуызтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv