Театр - царды энциклопеди

Абон Ирон театры сценæйы равдыстой спектакль «Зæлийы чындзыты» премьерæ. Бирæ рæстæг æвдыст нал уыд æмæ йын абон, куыд фæзæгъынц, ног цард радтой. Пьесæ ныффыста адæмæн уарзон æмæ зындгонд актер Саламты Къола. Уый тыххæй спектакль рауад номарæн. Артисттæ куыд загътой, афтæмæй залы уыйбæрц адæм рагæй нал уыд. Спектакль у царды энциклопеди. Ирдæй дзы æвдыст цæуынц бинонты `хсæн ахастытæ, æнкъарæнтæ, æгъдæуттæ, цардыуаг, æргом кæны адæмы миддуне. Спектаклы режиссер Дзгойты Аллæ куыд зæгъы, афтæмæй йæ бирæ рæстæг нæ цæттæ кодтой. Дыууиссæдз бонмæ архайджытæ сæ хъайтарты раргом кодтой æмæ театрдзауты зæрдæтæм ныфсджын къахдзæф бакодтой. Премьерæ цæудзæн дыууæ бон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv