Æвзонг æфсæддонтæ

Пейнтбол æмæ страйкболæй хъазынæн фадæттæ, сывæллæттæн цæлхдуртимæ фæндæгтæ. Уый уымæн цæмæй сæ удыхъæд æмæ `нæниздзинад фидардæр кæной. Нæ республикæйы байгом парк «Патриот»-ы филиал. Цæгат Кавказы фыццаг у. Байгом 58-æм æфсады, мотоæхсæн хайады. Æрыгон æфсæддонтæ ард бахордтой фыдыбæстæ хъахъхъæнын æмæ хъæбатыр уæвыныл. 60 адæймаджы Дзæуджыхъæуы, 2 мины - республикæйы. Райгуырæн бæстæ хъахъхъæнынмæ цæттæ кæй сты, уый тыххæй загъта Хуссар æфсæддон зылды гæрзифтонг тыхты къæмандыгæнæг, инæлар-булкъон Александр Дворников. Бæрæгбоны фæдыл фыдыбæстæйы æрыгон хъахъхъæнджытæн арфæ ракодта республикæйы хицауады сæрдар Тускъаты Таймураз дæр. Æрыгон æфсæддонты хæдзары æвзонг лæппутæн байгом кодтой сæрмагонд кълæстæ, ахуыр дзы кæндзысты хæстон истори, хореографи, хæцæнгарзæй хорз арæхсын, суанг ма киберспортæй уроччытæ дæр. Фæлæ æппæты цымыдисагдæр змæлд цæудзæн «Патриот»-ы парчы. Историон нысаниуæг кæмæн ис, ахæм техникæ, къуххæстæй æмæ кæрдтæ æхсынæй ахуыртæ, хæцæнгарз райхалын æмæ йæ фæстæмæ сæмбырд кæнын. Парк «Патриот» филиал Цæгат Кавказы байгом кодтой фыццаг хатт. Æрыгон æфсæддонтæн дзы сарæзтой 13 фæзуаты. Фадат дзы ис алыхуызон дæсныйæдты сæ арæхстдзинад хуыздæр кæнынæн. Пейнтбол, страйкбол, лазертаг æмæ «рубежи выживания» кæй хонынц, ахæм фæлварæнтæ. «Юнармии»-йы дзæуджыхъæуккаг змæлды ныртæккæ ис 4000 мин архайæджы. Ног парк сæ арæхстдзинад фæхуыздæр кæнынæн уыдзæн ахъаз. Æфсады дарддæр службæ кæнынмæ уыдзысты цæттæ. «Парк адих кодтам цалдæр хайыл. Сты алцæмæйдæр ифтонг. Канд скъолаты ахуырдзаутæ нæ, фæлæ сæ уæгъд рæстæджы ардæм иннæ сабитæ дæр куыд згъорой. Уадз æмæ сæхиуыл кусой,уæд се `нæниздзинад фидардæр кæндзæн. Ацы сывæллæттæ фыдыбæстæ хъахъхъæнджытæ уыдзысты фидæны, æмæ сæм нырттæккæ хъæуы фæкæсын», — 58-æм æфcады къæмандыгæнæджы хæдивæг æфсæддон политикон куысты фæдыл Василий Зайцев. «Юнарми»-йы æппæтуæрæсеон рæнхъыты ис 300 мин адæймаджы. Афæдзæй-афæдзмæ уыцы нымæц фылдæр кæны. Брытъиаты Феликс _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv