Сыгъдæгдзинадыл иумæ бакусæм

"Спецэкосервис"-ы кусджытæн байгом кæндзысты хæрæндон, сцалцæг сын кæндзысты сæ дзаумæттæ ивынæн уæттæ æмæ хинайæнтæ. Уый тыххæй абон, куыстуат бабæрæг кæнгæйæ, Битарты Вячеслав радта сæрмагонд хæслæвæрд. Республикæйы сæргълæууæг куыд загъта, афтæмæй иннæтæй уынгты сыгъдæгдзинад домгæйæ, æппæты фыццаг хъæуы чи сæ æфснайы, уыдонæн æмбæлгæ уавæртæ саразын. Битарты Вячеслав ныхас кодта кусджытимæ, байхъуысты сын сæ хъæстытæм æмæ фиппаинæгтæм. Фылдæр сæ тыхсын кæны сæ куыстуаты бæстыхæйтты уавæр. Республикæйы разамонæг сын радзырдта, ацы аз се сцалцæг кæнынæн бюджетмæ æхца кæй нæ бахастой. Фæлæ фидæны аз куыстуаты хицау афоныл курдиат æмæ гæххæттытæ куы бадæтта, уæд уавæр хуыздæрырдæм аивдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv