Æппæтадæмон конкурс «Ирон бæгæны-2019»-ы æвзарæн къæпхæн ацыд Цхинвалы

Æппæтадæмон конкурс «Ирон бæгæны-2019»-ы æвзарæн къæпхæн ацыд Цхинвалы. Фестиваль снысан кодтой республикæйы боны агъоммæ. Цхинвалы театралон фæзыл конкурсы архайджытæ алы хъæутæй бацæттæ кодтой ирон хæринæгтимæ фынгтæ. Ирон нозт куыд бацæттæ кодтой уымæн аргъ кодтой жюрийы уæнгтæ. Снысан кодтой 3 уæлахиздзауы. Æртыккаг бынат бацахста Лолаты Джулеттæ, дыккаг къæпхæнмæ схызт раздæры конкур сы уæлахиздзау Гаглойты Анджелинæ. Фыццаг бынаты аккаг та ссис   Хъозаты Ритæ. Ирон бæгæныйы бæрæгбон республикæйы æрвылаз саразынц бæгæныфыцæн компани «Бавария», республикæйы культурæйы министрад æмæ Хуссар Ирыстоны адæмон сфæлдыстады хæдзары хъæппæрисæй. Ацы мадзал æрымбырд кæны республикæйы цæрæг сылгоймæгты. Уыдон зæрдæргъæвдæй бацархайынц ацы конкурсы. Æркасты архайджытæ кæрæдзийæн не ’вгъау кæнынц сæ фæлтæрддзинад. Ахæм хуызы хъахъхъæд цæуынц нæ фыдæлты æгъдæуттæ - зæгъынц Хуссарирыстойнаг сылгоймæгтæ. Хуссар Ирыстоны бæрæгбонмæ ссыдис бирæ уазджытæ. Се ’хсæн Луганск æмæ Донбассæй минæвæрттæ. Уыдонæн сæ зæрдæмæ тынг фæцыдысты ирон хæринæгтæ. Уæлдай бузныг та уыдысты ирон бæгæныйæ куы сахуыстой, уæд. Мадзалы архайджытæм арфæйы ныхæстимæ фæсидтис Хуссар Ирыстоны культурæйы министр Засеты Жаннæ. Конкурс «Ирон бæгæны-2019»-ы финал уыдзæн 4-æм октябры, Дзæуджыхъæуы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv