Ног домæнтæ

Электрон тыхæй кусгæ цырæгътæн сæ хæрдзтæ суыдзысты 30% фылдæр, 1-æм июлæй сæм ног домæнтæ кæй ныффидар кæндзысты, уый тыххæй. Ахæм хъуыды Дмитрий Медведевмæ йæ фыстæджы арвыста цырæгътæ уадзæг компаниты ассоциаци. Амынд домæнтæ цæхгæр фæкъаддæр кæндзысты цырæгътæ уадзыны бæрц. Хицауад кæй домы, диодтæй кусгæ ахæм рухсгæнæнтæ Уæрæсейы нæ уадзынц. Цæмæй сæ нæ бæстæйы аразын райдайой, уыйтыххæй технологитæ хъæуы раивын. Уымæ та, иуæй, куыстуæттæ цæттæ не сты, иннæмæй та цæттæ продукцийы аргъ уыдзæн бæрзонддæр. Ассоциацийы уæнгтæ курынц Хицауадæй, цæмæй ног домæнтæ царды рауадзыны æмгъуыд аргъæвой афæдз æмæ `рдæгмæ. Науæд, дам, цырæгтæ уадзыны куыст бынтондæр æрлæудзæн. Уый та адæмы фегуыст кæндзæн. Æмгъуыд аргъæвыны фарс рахæцыдысты Энергетикæ, стæй Базарад æмæ промышленносты Министрадтæ дæр. Сæ хъуыды бафидар кодтой, Уæрæсейы регионтæ ног закъæттæм цæттæ кæй нæ уыдзысты, уымæй. Уæ зæрдыл уын æрлæууын кæндзынæн, ацы азы 1-æм июлæй 2020-æм 1-æм январмæ хъуамæ æппæт цырæгътæ дæр Уæрæсейы сæ тыхæй 8 процентæй фылдæр дзæгъæлы хъуамæ ма сафой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv