Алагиры донцъирæны куыст сног кодтой

Алагиры дон кæй нæй, уый тыххæй не 'сфæлдыстадон къорд уый размæ дæр хъусын кодта адæмæн. Горæты фылдæр уынгтæ ныртæккæ сты æнæ нуазыны донæй. Фæлæ æрæджы хъуыддаг размæ фезмæлыд. Ныртæккæ йæ куыст сног кодта сæрмагонд донцъирæн. Уый руаджы ныр нуазыны дон хæццæ кæндзæн Алагиры, УЗК-йы район кæй хоныц, уырдæм. Фæлæ Алагиры коммуналон фæрæзты службæйы разамынды ныхæстæм гæсгæ, æрмæст иу донцъирæн фаг нæу. Цæмæй УЗК-йы район, Энгельсы, Гагарины, стæй Цомайты Ольгæйы номыл уынгтæм нуазыны дон бахæццæ уа, уый тыххæй хъуамæ куыд æмбæлы, афтæмæй скусой 4 донцъирæны. Кæцыдæр донцъирæнтæ нырма сты цалцæггæнинаг. Фæлæ уал ныртæккæ сног æрмæстддæр иу донцъирæны куыст. Йæ хæд фæстæ та срæвдз уыдзæн иннæ дæр. Æппæт ацы ногдзинæдтæ арæзт æрцыдысты Цæгат Ирыстоны артаг æмæ энергетикæйы министр Томайты Майран æмæ Алагиры администрацийы хъæппæрисæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv