Цæгат Ирыстоны æрыгон дохтыртæ адæмы дзæбæх кæнынц хæххон районты

Суинаг стомотологтæ араст вæййынц республикæйы дæрддзæф районтæм. Сæ балцы сæйраг нысан - цæрджытæн медицинон æххуыс ракæнын. Уыимæ ма лæвар. Джиголаты Эдуард фæсивæдон форум «Машук»-ы рамбылдта грант. Ныр бакусдзæн «Стоматологическое здоровье», зæгъгæ, проекты райрæзтыл. Хæххон хъæутæ Джиголаты Эдуард бабæрæг кæны фæлтæрдджын специалисттимæ. Мобилон стомотологийы лæггæдтæй ныридæгæн спайда кодтой 200 адæймагæй фылдæр. Хъæуы амбулаторийы уыцы иу рæстæг пациенттæ рагæй нæ уыд. Хæтæлдоны цæрджытæ сæ дæндæгтæ дзæбæх кæнынмæ æрбацыдысты дохтыртæм. Специалисттæ æрцыдысты Дзæуджыхъæуæй. Хъæуы администрацийы сæргълæууæг Кцойты Мурат уазджыты бынаты сбæрæг кодта. Æрыгон специалисттæ фыццаджыдæр уынынц карджын адæмы. Горæтмæ ссæуын сын у зын. Уыимæ ма сæ дзыпп дæр нæ фæамоны. Дохтыртæм хъæумæ фæсидыны хъæппæрис рахаста Джиголаты Эдуард. Ацы хъуыддаджы фарс рахæцыдысты форум «Машук»-ы дæр. Йæ гранты аргъ 400 мин сомæй самал кодта мобилон кусæнгæрзтæ æмæ хостæ. Йæ фарсмæ æрбалæууыдысты йæ хæлæрттæ дæр. Суинаг стоматологтæн æххуыс кæнынц фæлтæрдджын дохтыртæ дæр. Мобилон стоматологи уыд Æрæфы районы хъæуты. Дарддæр рады Алагиры районы цæрджытæ. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv