Ирыстойнаг кæсаг

Стыр æвæрæн хæссынц кæсагдарыны куыстмæ дæр. Кæй зæгъын æй хъæуы, уый кæм дæр цыдæр ногдзинад у. Ныртæккæ йæ куыд парахат кæнынц, афтæ хъавынц дарддæр дæр йæ райрæзтыл бакусын. Уый тыххæй ныридæн аразынц ног хъæууон хæдзарæдтæ. Се `руаджы фарон аз самал кодтой 980 тонны кæсаг. Республикон бюджетæй уыцы куыстæн кæнынæн радих кодтой 10 милуан сомы. Фыццаг хат ацы куыст кæнынымæ чи бавнала, уыдонæн дæр баххуыс кæндзысты гранттæй. Ныридæгæн нæм цы кæсагдарæн хæдзарадтæ ис, уым дарынц - балер æмæ кæф кæсæгтæ. Специалистты ныхæстæм гæсгæ, ацы хуызтæн, ам хорз уавæртæ ис. Кæсаг уæй кæнынц æрмæст бынæттон базарты нæ, фæлæ ма Цæгат Кавказы иннæ регионты дæр. Фæнд кæнынц стырдæр хъомысадон мадзæлттæм рахизын. Уæд хъæудзæн фылдæр специалисттæ дæр. Хицауад фæндон бахаста, цæмæй республикæйы ахуыргæнæндæтты кæсаджы куыстгæнджыты цæттæ кæнын райдайой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv