Бæрæгбоны агъоммæ

Фыдыбæстæйы стыр хæсты ветеранты схорзæхджын кодтой Ног азы бæрæгбæтты агъоммæ. Сарæзтой сын концертон программæ. Ирон эстрадæйы артисттæ сын сæ бæрæгбон барæсугъд кодтой. Мадзал сарæзта хæрзаудæн фонд «Рука помощи», зæгъгæ. Ветерантæн скодтой зæрдылдарæн лæвæрттæ. Уымæй уæлдай ма акцийы бацархайдтой скъоладзаутæ дæр. Ветерантæ сын радзырдтой Фыдыбæстæйы стыр хæсты цауты тыххæй. Зæгъæм, Мæхъиты Исрафил архайдта Сталинграды тохы, Украинæ æмæ Молдави фашисттæй суæгъд кæныны мадзæлтты, стæй ма Румыни, Венгри æмæ Австрийы зæххыты цы тохтæ цыд, уыдоны. 2015-æм азы йæ Уæрæсейы президент Владимир Путин схорзæхджын кодта Фыдыбæстæйы стыр хæсты Уæлахизы 70 азы юбилейон майданæй. Мадзал аразджыты ныхæстæм гæсгæ, рæзгæ фæлтæры хъомыладæн ахæм фембæлдтæ сты тынг вазыгджын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv