Аивадон равдыст

Адæмон сфæлдыстады республикон равдысты фæлгæты Дзæуджыхъæуы уыд семинар "Национ традицитæ куыд фæзындысты аивады". Семинар арæзт уыд традицион культурæйы æмæ этно-туризмы центр "Фарн"-ы хъæппæрисæй. Нæ республикæйы дыккаг хатт цæуы. Йæ аразджытæ йæ фæнд кæнынц æрвылазон скæнын. Ацы хатт та нæ цæмæй сцымыдис кодтой нæ аивады дæснытæ, уый нæ дарддæры æрмæджы. Цæгат Ирыстоны адæмон сфæлдыстад у национ культурæйы ирддæр фæзындтæй иу. Уый зонгæйæ, традицион культурæйы æмæ этно-туризмы центр "Фарн"-ы кусджытæ тынг æнувыд сты нæ фыдæлтæ нын цы хæзнатæ ныууагътой уыдоныл. Фæнды сæ сæ бахъахъхъæнын. Аразынц алыхуызон мадзæлттæ. Ацы равдыст у сæ архайды æвдисæнтæй иу. Равдыст саразыныл канд центр "Фарн"-ы кусджытæ нæ бакуыстой, фæлæ ма культурæйы министрады специалисттæ æмæ нывгæнджыты цæдисы уæнгтæ. Равдысты фенæн ис аивады алы хуызты конд дзаумæттæ, нывтæ, графикæ, æрмдæсныйады дæнцæгтæ. Автортæ сæ куыстыты равдыстой æрдзы рæсугъддзинæдтæ, æрвылбоны цард, мифологион æмæ историон цаутимæ баст нывтæ. Алы куысты дæр зыны нæ адæмы традицион культурæ. Фенæн дзы уыд згъæрæй конд мигæнæнтæ, быд хъазæнтæ, цыллæ кæлмæрзæнтæ, рæсугъд, нырыккон домæнтæн дзуапп чи дæтты , ахæм уæлæдарæс национ нывæфтыдтимæ. Равдысты сæ куыстытæ равæрдтой хуыйджыты æрмадз "Аивад"-ы дæснытæ. Йæ аив дзаумæттæй æрбацæуджыты зæрдæтæ балхæдта Дауыраты Зæлинæ. Ацы мадзал æрбангом кодта нывгæнджыты, аивады архайджыты æмæ аивад зæрдæмæ хæстæг кæмæн у, уыдоны. Се ппæт дæр æрцыдысты иу хъуыдымæ - адæмон аивад æмæ сфæлдыстады лыггæнинаг фарстатыл иумæ кусын кæй хъæуы. Остъаты Татьянæ: «Фæнды нæ ссарын ног нывгæнджытæ,ног куыстытæ цæмæй семæ фидæны аразæм сæрмагондæй уыдонæн равдыстытæ, сæ куыстытæ сын радисæм æппæтадæмон æмæ æппæтуæрæсеон равдысты». Республикæон равдыст уыддыккаг хатт, уымæ гæсгæ йæ схонæн ис традицион. Йæ аразджыты фæнды цæмæй азæй -азмæ куыстытæ фылдæрæй-фылдæр кæной. Фидарæй сæ уырны сæ фæнд сæ къухы кæй бафтдзæн. Уый та хуыздæрырдæм фæзындзæн нæ рагфыдæлты традицитæм иу къахдзæф фæхæстæгдæр кæнынæн.Ирыстоны аивады фидæн та ахæм хуызы суыдзæн ирддæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv