Беслæны скъола интернаты байгом кодтой Иван Канидийы бюст

Беслæны скъола-интернаты сæнусон кодтой Иван Канидийы ном. Йæ цыртдзæвæн ын кадджын уавæры байгом кодтой абон. 2004 азы фæмард фыццæгæм скъолайы террористон акты рæстæг. Архайдта сывæллæтты терорристты къухæй ратоныныл. Цыди йыл 74 азы, йæ кармæ гæсгæ йæ уацарæй уæгъд дæр кодтой, фæлæ физкультурæйы ахуыргæнæг сабиты нæ ныууагъта, баззад залы. Абон скъолайы кæрты æрæмбырд сты ахуырдзаутæ, ахуыргæнджытæ æмæ Иван Канидийы бинонтæ хæстæджытимӕ. Уыдонæн уыд хорз хæлар, куырыхон зондамонæг. Цыртдзæвæны гом кӕныны архайдтой Цæгат Ирыстоны хицауады сæрдар Дзанайты Барис, Грецийы минæвар Уæрæсейы Екатерини Нассика, æмæ Рахизфарсы районы разамынд. Йæ рухс ном ын ссардтой минут æдзæмæй алæугæйæ. Стæй уæд цыртдзæвæныл сæвæрдтой дидинджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv