Республикæйы ахуырад æмæ наукæйы министрад стыр æргом здахы уæлæмхасæн ахуырадмæ

Республикæйы ахуырад æмæ наукæйы министрад стыр æргом здахы уæлæмхасæн ахуырадмæ. Скъолаты ахуыргæнджытæ æппынæдзух сæ фæлтæрддзинад бæрзонддæр кæндзысты технопарк «Кванториум»-ы. Уыдон дарддæр сæ зонындзинæдтæй дих кæндзысты сæ скъоладзаутимæ. Ацы дзаума мæ фыццаг куы бакæсай, уæд зыны цыма сывæллоны хъазæн хæдтулгæ у. Уый у робот. Аразгæ та йæ скодтой сывæллæттæ нæ, фæлæ сæ кары чи бацыд, ахæм ахуыргæнджытæ. Технопарк кванториумы информатиктæ сæ фæлтæрддзинад бæрзонддæр кæнынц. Ахуыргæнинæгты сæйраг нысан - программæ раст саразын, цæмæй хæдтулгæ æмраст иу хахыл тула. Дæ хъус æм куынæ æрдарай, уæд робот фæндагæй ахаудзæн. Ахуыргæнджытæн кæд нырма зын у, уæддæр ног дисциплинæ сæ зæрдæмæ цæуы. Кокайты Илитæйæ уæлдай ма сæ фæлтæрддзинад бæрзонд кæнынц дыууын æхсæз ахуыргæнæджы. Курс арæзт у сæрмагонд фæткмæ гæсгæ. Ахуыртæ цæуынц æртæ боны. Фараст сахаты дæргъы сæ зонгæ кæнынц робототехникæйы дисциплинæйы сусæгдзинæдтимæ. Курстæ амоны ахуыргæнæг Санкт-Петербургæй. Ахуырты фæстæ алы ахуыргæнæгæн дæр ратдзысты сертификат. Сентябры ма сæ фæлтæрддзинад бæрзонддæр кæндзысты ноджыдæр фынддæс ахуыргæнæджы. Ног ахуыры аз республикæйы цыппор дыууæ скъолайы фæзындзæн робототехникæйы сæрмагонд къластæ. Уыдонæй дыууадæс уыдзысты Дзæуджыхъæуы. Иннæтæ республикæйы районты. Уыимæ ма Мæздæджы районы дæр. Уый тыххæй федералон бюджетæй æстай цыппар милуаны рахай кæндзысты «Образование», æмæ «Успех каждого ребенка», зæгъгæ, национ проектты фæлгæты. Скъолаты æрмæст Робототехникæйы къордтæ нæ фæзындзæн. Республикæйы ахуырад æмæ наукæйы министрад стыр æргом здахы уæлæмхасæн ахуырадмæ. Дыууæ мин дыууынæм азмæ Цæгат Ирыстоны техникæйы къабазы чи архайы, уыцы сывæллæттæн фæзындзæн дыууын фондз мин бынаты. Скъолаты цы ахуыргæнджытæ кусдзысты, уыдон æппынæдзух сæ фæлтæрддзинад бæрзонддæр кæндзысты технопарк «Кванториум»-ы. Хъараты Мæринæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv