Форум «Færnyg»

Æрыгон амалхъом адæмы форум кусын райдыдта нæ горæты. Архайы дзы сæдæ адæймагæй фылдæр. Уыдон сты республикæйы уæлдæр ахуыргæнæндæтты студенттæ. Амалхъомдзинады сусæгдзинæдтимæ сæ зонгæ кодтой экономикæйы къабазы, хицауады минæвæрттæ æмæ амалхъом адæймæгтæ. Форумы архайджытæ æрдзырдтой гранттæ æмæ æндæр паддзахадон æххуыс райсыныл, курдиат раст бафыссын куыд хъæуы, ууыл æмæ æндæр фарстатыл. Бæстонæй радзырдтой амалхъомдзинады райрæзтæн цавæр ахадындзинад ис, уый тыххæй. Бизнес-форум «Færnyg»-ы аразджытæ сты республикæйы фæсивæдон парламент. Къуырийы дæргъы æрыгон бизнесментæн сараздзысты алыхуызон лекцитæ, семинартæ, æмæ дæсныйад æвдисæг ахуыртæ. Бафтаудзыстæм ма уый æмæ мадзал арæзт у æппæт дунейы амалхъомдзинады къуыри кæй цæуы, уый фæлгæты. Проекты архайы дунейы 165 бæстæйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv