Майя Плисецкаяйы ном зындгонд у æгас дунейы. Раззагдæр балеринæ æппынæдзух цыд йæ бæллицты фæдыл. Аивадуарзджыты зæрдæтæ æлхæдта йæ æгæрон курдиат, аив удыхъæд æмæ хиуыл æппынæдзухы  куыстæй. Сцæнæмæ-иу ын йæ рацыдмæ æнхълмæ кастысты мингай адæм. Сценæ уыд йæ цард. Примæйы ном ссарыны нысанимæ Вахтанговы номыл музейы ацыд моноспектакль "Майя". Сæйраг роль ахъазыд Цæгат Ирыстоны  адæмон артисткæ Анжелика Тер-Давидянц. Равдыст цымыдисаг рауад æви нæ, уый базыдта не сфæлдыстадон къорд. Афтæмæй та адæмæн сси уарзон, йе сфæлдыстадæн ын аргъ чи кодта, уыдонæй барстой стъалыимæ, йе 'мкусджытæн уыд дæнцæгæн хæссинаг, уырыссаг балеты ирддæр æвдисæн. Зындгонд балеринæйæн йе сфæлдыстадон фæндаг куыд райдыдта? Чи уыд Майя Плисецкая? Ацы сусæгдзинæдтæ аивадуарзджытæ базыдтой Вахтанговы номыл камерон сценæйыл архайды руаджы. Мемуартæ, фыстæджытæ æмæ мысинæгтæ. Йæ уарзон кæфтытæ æмæ фезмæлд. Йæ зæрдæмæ цыд алцыдæр: классикæйæ райдай æмæ нырыккон фæзылдтытæй фæуы. Ахæмæй æвдисынц Майæйы моноспектаклы форматы. Ам аивадуарзджытимæ ныхас цæуы æнæдзургæйæ, æрмæст цæстытæй. Спектаклы дыууæ хайы равдыстой балеринæйы цард æмæ сфæлдыстадон фæндаг. Йæ миддуне. Æппынæдзух хиуыл куыст, цæмæй уай хуыздæрты æмрæнхъ. Режиссер куыд радзырдта, афтæмæй ацы куыст рауад æцæг эксперимент. "Иу актеры театр"-ы формат театрдзаутæн æмæ архайджытæн зонгæ нæу. Нырма йæ ныр фæлварынц. Зындгонд балеринæйы цард æмæ сфæлдыстады тыххæй спектаклыл куыстой æрыгон æмæ курдиатджын адæм. Музыкæйæ та йæ срæсугъд кодта Гергиты Валерийы номыл адæмон инструментты колледжы оркестр.