Педагогты схорзæхджын кодтой паддзахадон æмæ ведомствойы хæрзиуджытæй
Республикæйы ахуырадон уагдæтты педагогтæн абон радтой паддзахадон æмæ ведомствойы хæрзиуджытæ. Кадджын мадзал ацыд Мариинаг театры филиалы — Концертон залы. Ахуыргæнæджы боны фæдыл педагогтæн раарфæ кодта Сергей Меняйло. Цæгат Ирыстоны сæргълæууæг загъта бузныджы ныхæстæ педагогон æхсæнадæн сæ удуæлдайæ фæллойы тыххæй. Педагогон архайды сгуыхтдзинæдтæ æмæ бæрзонд профессионалон миниуджыты тыххæй «Цæгат Ирыстоны кадджын ахуыргæнæджы» нæмттæ радтой Цыколайы 1-æм скъолайы райдиан кълæсты ахуыргæнæг Бичегкуты Альбинæйæн, Змейкæйы 1-æм скъолайы ирон æвзаг æмæ литературæйы ахуыргæнæг Дзуццаты Риммæйæн, Луковская станицæйы райдиан кълæсты ахуыргæнæг Наталья Гизатулинайæн, Црауы скъолайы ирон æвзаг æмæ литературæйы ахуыргæнæг Челдыты Мæдинæйæн, Михайловскæйы райдиан кълæсты ахуыргæнæг Нонна Москальчукæн.
Республикæйы ахуырадон уагдæтты педагогтæн абон радтой паддзахадон æмæ ведомствойы хæрзиуджытæ. Кадджын мадзал ацыд Мариинаг театры филиалы — Концертон залы. Ахуыргæнæджы боны фæдыл педагогтæн раарфæ кодта Сергей Меняйло. Цæгат Ирыстоны сæргълæууæг загъта бузныджы ныхæстæ педагогон æхсæнадæн сæ удуæлдайæ фæллойы тыххæй. Педагогон архайды сгуыхтдзинæдтæ æмæ бæрзонд профессионалон миниуджыты тыххæй «Цæгат Ирыстоны кадджын ахуыргæнæджы» нæмттæ радтой Цыколайы 1-æм скъолайы райдиан кълæсты ахуыргæнæг Бичегкуты Альбинæйæн, Змейкæйы 1-æм скъолайы ирон æвзаг æмæ литературæйы ахуыргæнæг Дзуццаты Риммæйæн, Луковская станицæйы райдиан кълæсты ахуыргæнæг Наталья Гизатулинайæн, Црауы скъолайы ирон æвзаг æмæ литературæйы ахуыргæнæг Челдыты Мæдинæйæн, Михайловскæйы райдиан кълæсты ахуыргæнæг Нонна Москальчукæн.