Инвестицион форум Сочийы

Райсом Сочийы райдайдзæн æрвылазон инвестицион экономикон форум. Архайдзæн дзы Цæгат Ирыстон дæр. Бацæттæ кодтой сæрмагон стендтæ. Ныртæккæ дзы цæуынц цæттæгæнæн куыстытæ. Сочийы ис не сфæлдыстадон къорд. Ацы видеоæрмæг исæм уырдыгæй. Форумы рæстæг нæ республикæйы делегацийы уæнгтæ се ппæты базонгæ кæндзысты туризмы, хъæууон хæдзарады æмæ промышленносты рæзтæн республикæйы цы гæнæнтæ ис, уыдонимæ æмæ ног инветицион проекттимæ. Специалистты хъуыдымæ гæсгæ амалхъом адæммæ цымыдисаг фæкæсдзысты. Райсом форуммæ ссæудзæн регионы разамонæг Битарты Вячеслав. Егъау экономикон фембæлды рæстæг ма Цæгат Ирыстон бафысдзæн æмгуыстады бадзырдтæ. Афтæмæй нæ республикæ æнгомдæр кусдзæн Карелийы разамындимæ, Уæрæсейы "Æфснайæн банкимæ" стæй æндæр организацитæ, ведомствæтæ, куыстуæттæ æмæ амалхъом адæмимæ æмæ куыстуæттимæ. Форумы архайджыты ма базонгæ кæндзысты Цæгат Кавказы курортты æмæ Цæгат Кавказы рæзты проекттимæ. Хицæн стенды та нæ республикæ равæрдзæн бынæттон куыстуæтты продукци. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv