Инвестицион форумы республикæйы архайды фарстатыл ныхас цыд Дзанайты Барисы разамындæй æмбырды

2024-æм азы Цæгат Ирыстон архайдзæн Кавказы ивестицион форумы æмæ петербургы æппæтадæмон экономикон форумы. Егъау мадзæлтты республикæйы архайдыл ныхас цыд сæрмагонд æмбырды. Амыдта йæ премьер Дзанайты Барис. Хицауады уæнгтæн бабар кодта регион æмбæлгæ æмвæзадыл бацæттæ кæнын. Ахæм мадзæлтты республикæ фыццаг хатт нæ архайы, уымæ гæсгæ хъуамæ алы къабазы хъомыс дæр æвдыст æрцæуа. Фæзтæ бацæттæ кæныны фæдыл куыст раст рацаразын. Уыимæ ма Цæгат Ирыстоны бизнес-æхсæнады æнтыстдзинæдтæ дæр хъуамæ Кавказы инвестицион форумы базоной.