Куыстдæттыны армукъа сарæзтой Кировы районы

Куыстдæттыны армукъаты нымæц афæдзæй-афæдзмæ фылдæр кæны. Радон хатт адæмæн куыстдæттыны республикон комитет Кировы районы сарæзта армукъа. Бæлвырддæр та - Елхоты. Архайджытæн фадат уыд равзарын алыхуызон дæсныйæдтæ. Се ’ргом раздахтой 24 цæрæджы. Куыст ссардтой 5 адæймаджы, 9-æн та раттой куыстдæттæгимæ аныхас кæныны тыххæй сæрмагонд гæххæт. Уымæй уæлдай ма, 3 рауагъдонæн бафыстой стажировкæмæ ацæуыны бардзырд, 3 адæймаджы та сæхи ныффыстой профориентацион ахуыртæм. Æмткæй райсгæйæ, адæмæн куысты бынæттæ лæвæрдтой 17 куыстдæттæг компанийы, 31 уæгъд бынаты. Уæ зæрдыл ма уын æрлæууын кæндзыстæм, ахæм хуызы армукъатæ конд цæуынц нæ республикæйы сæргълæууæг Битарты Вячеславы хъæппæрисæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv