Дзæуджыхъæуы байгом аивадон равдыст

«Творческий Альянс», зæгъгæ, нывгæнджыты равдыст байгом кодтой Дзæуджыхъæуы. Уым фенæн ис 14 авторы куыстытæ. Уыцы адæм æрæджы систы Цæгат Ирыстоны нывгæнджыты Цæдисы уæнгтæ. Уый тыххæй сын арфæ ракодтой кадджын уавæры. Республикæйы зынгонд нывгæнæг Айларты Таймуразы, аивадмæ стыр æвæрæн кæй бахаста, уый тыххæй Цæгат Ирыстоны хицауады номæй схорзæхджын кодтой кады гæххæттæй. Уæ зæрдыл уын æрлæууын кæндзыстæм, Цæгат Ирыстоны нывгæнджыты Цæдисыл æххæст кæны 80 азы. Мæргъиты Таймураз,РЦИ-Аланийы нывгæнджыты цæдисы сæрдар: «Кавказы республикæты `хсæн Цæгат Ирыстоны нывгæнджыты Цæдис у æппæты егъаудæр. Иугæр нæ бон ахæм равдыстытæ аразын у, уæд уый ууыл дзурæг у, æмæ нæ республикæйы аивад бæрзонд æмвæзадыл кæй ис.  Мæнмæ гæсгæ нæм æрыгон нывгæнджытæ кæй фæзынд, уый нæ райсомы боныл хуыздæрмæ фæбæрæг уыдзæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv