Бæрæггæнæнтæм гæсгæ

Цæрджытæм æвзæр миниуджытæ æппæты къаддæр цы регионты ис, уыцы номгъыгды раззагдæртимæ ис Цæгат Ирыстон дæр. Ахæм статистикæ сарæзта РИА Рейтинг. Пайда кодтой генералон прокуратурæ æмæ паддзахадон статистикæйы федералон службæйы бæрæггæнæнтæй. Рейтинг арæзтой карз нозт, наркомани æмæ тамако дымынмæ æмхиц чи у, уыдонмæ гæсгæ. Иртæстытæ куыд рабæрæг кодтой, афтæмæй æвзæр миниуджыты сæйраг аххосæгтæ сты регионы экономикæ нæ, фæлæ йæ географион бынат, истори æмæ æгъдæуттæ. Æнæниз царды уаг парахатдæр цы регионты у, уыдонмæ бахаудысты Цæгат Кавказы республикæтæ. Нозт нуазынц æмæ наркотиктæй фылдæр пайда кæнынц Санкт-Петербург, Сахалины область, Буряти æмæ Камчаткæйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv