Æмгуыстады фæндæгтæ

Цæгат Кавказы хæххон-металлургон институты арæзтадон къорды афæндараст кодтой Норильскмæ. Ацы аз уырдæм абалц кодтой 130 студенты. «Норникель», зæгъгæ, компани уæлдæр ахуыргæнæндонимæ æмгуыстады хуызы ахæм æмархайд æрвылаз кæны. Цыппар мæймæ студенттæ базондзысты хæххон-металлургон куыстады сусæгдзинæдтæ. Университеты ма кадджын мадзалы фæстæ уыд «Российские студенческие отряды», зæгъгæ, æхсæнадон организацийы конференци. Уым равзæрстой республикон хайады штабы æмæ разамынды уæнгты. Мадзалы архайджытæ уыдысты Цæгат Ирыстоны хицауады сæрдары хæдивджытæ Азымты Иринæ æмæ Фадзайты Æхсарбег. Уымæй уæлдай ма æмбырды архайдтой уæлдæр ахуыргæнæндæтты разамонджытæ, студенттæ æмæ æхсæнадон архайджытæ. Ацы аз студентон отрядты змæлдыл сæххæст 60 азы. Цæгат Ирыстоны фæсивæд архайынц бирæ къабæзты. Хъæууон хæдзарады, арæзтады æмæ æндæрты. Организацийы минæвар куыд бафиппайдта, афтæмæй нæ студенттæ æгас бæстæйы дæр æвдисынц хорз бæрæггæнæнтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv