Ног фæзилæнтæ

Дзæуджыхъæуы уыд Цъыккаты Владимиры уголовон хъуыддаджы фæдыл тæрхондоны радон æмбырд. Уæ зæрдыл уын æрлæууын кæндзыстæм, 8-æм апрелы æмбырд кæронмæ нæ ахæццæ, æвдисæн Бестауты Иракли æрфарсты рæстæг кæй бавзæр, уый тыххæй. Абон пъæлицæйы кусæджы дарддæр фарстой. Бестауты Иракли радзырдта, йе `мкусæг Датийы-фыртимæ Цъыккаты Владимирыхæдзарæй кæй раластой. Рабæрæг ма ис, Цъыккайы-фырты пъæлицæйы хайадмæ æнæ аххосæй кæй аластой, уый. Бестауты Иракли куыд зæгъы, афтæмæй йын нæ йæ ном зыдтой, нæ - йæ мыггаг. Уымæй уæлдай ма сæм къухæй кæнгæ хуызист дæр нæ уыд. Сæ куыст кодтой, чи фæцæф, уый ныхæстæм гæсгæ. Йæ хæдзары адрис ын кæцæй баззыдтой, уый нæ загъта. Бестауты Иракли ма куыд фæбæрæг кодта, афтæмæй, дам, Цъыккаты Владимир барвæндонæй семæ цæуын нæ куымдта æмæ йыл къухкъæлæттæ бакæнын бахъуыд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv