Уæрæсейы сног кодтой хæдтулгæтæ льготæйы хуызы кредиттæй балхæныны фæтк

Уæрæсейы сног кодтой хæдтулгæтæ льготæйы хуызы кредиттæй балхæныны фæтк. Уæлдай барæй спайда кæнæн уыдзæн цæрджыты хицæн къордтæн. Уый тыххæй хъусын кæнынц промышленность æмæ базарады министрады телеграм-каналы. Ахæм фадат фæзындзæн медицинон кусджытæ, ахуыргæнджытæ, сæрмагонд æфсæддон операцийы архайджытæ æмæ сæ бинонтæн. Программæмæ хауынц нæ бæстæйаг хæдтулгæтæ, 2 милуан сомы къаддæр аргъ кæмæн ис, уыдон. Кредиты фыццаг фиддонæй сын 20% аргъæй аппардзысты. Уæрæсейаг электрон хæдтулгæты æргъцух та уыдзæн 25%, фæлæ 625 мин сомæй фылдæр нæ.