Æдасдзинады тыххæй

Хуынд æм æрцыдысты Цæгат Кавказы зылды Президенты æххæстбарджын минæвар Олег Белавенцев, регионты æмæ федералон министрадты разамонджытæ. Архайдта дзы Битарты Вячеслав дæр. Ныхас кодтой национ æдасдзинады фарстатыл. Æрдзырдтой, скæсæйнаг бæстæтæй террористтæ нæ паддзахадмæ куыд нæ фæхæцца уой, ууыл. Стæй ма политикон, экономикон æмæ информацион æдасдзинады фарстатыл. Николай Патрушевы хъуыдымæ гæсгæ, Кавказы республикæты фесивæдимæ патриотон куыст куыд цæуы, уый фаг нæу. Куыд бафиппадта, афтæмæй ацы фарстайыл хъæуы бæстондæрæй бацархайын. Ацы хъуыддаджы та Цæгат Ирыстон, цæмæй раппæла, уый ис. Патриотон клубтæ, хъомыладон центртæ, ДОССАФ-ы архайд дæттынц хорз бæрæггæнæнтæ. Æрыгæттæ рæзынц Фыдыбæстæ уарзгæйæ. Социализацийы центрты специалистты куыст дæр сыл хуыздæрырæдæм ахады. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv