Æнтыстджын къахдзæфтæ

Предметтæ ирон æвзагыл кæм ахуыр кæнынц, уыцы скъолатæ фылдæрæй-фылдæр кæнынц. Джызæлы 2-æм скъолайы дæр фæсте баззайын нал фæндыд æмæ байгом кодтой полилингвалон кълас. Ног ахуырадон системæйыл иуæй-иу ныййарджытæ дызæрдыг кодтой. Фыццагкъласонтæ та куыд сæмбæлдысты ног системæйыл? Сæ зæрдæмæ цæуы æви нæ? Афтæ райдайынц Джызæлы дыккæгæм скъолайы фыццæгæм къласы уроктæ. Уыимæ æрмæст ирон æвзаг æмæ литературæйы нæ, фæлæ иннæтæ дæр. Ахæм фæтк дзы хъæуккаг скъоламæ кæй цæуынц, уый тыххæй нæ фидар кæнынц, фæлæ полилингвалон къласы кæй ахуыр кæнынц, уымæн. Байгом Цæгат Ирыстоны паддзахадон университеты ЮНЕСКОйы кафедрæйы специалистты хъæппæрисæй æмæ нæ республикæйы ахуырад æмæ наукæйы министрады бардзырдмæ гæсгæ. Скъолайы директор Хæдзарæгаты Аслæнбеджы ныхæстæм гæсгæ, полилингвалон къласы ахуыр кæндзысты цæуы ирон æвзаджы бындурыл, дыккæгæм къласы ма сæ предметтыл бафтдзæн англисаг æвзаг дæр. Ацы кълас кæй байгом, уый директор нымайы стыр хорздзинадыл. Ныййарджытæй чидæртæ дызæрдыг кодтой. Фæлæ разынд ахæмтæ дæр æмæ полилингвалон къласмæ сæ сывæллæтты суанг горæтæй чи ласы. Сывæллæттæ архайынц зæрдæргъæвдæй. Ног системæ сын цымыдисаг у. Кæрæдзимæ кæсгæйæ, раздæр дзырдта йæ мадæлон æвзагыл æппындæр чи нæ, уыдон дæр ыл сабыргай ахуыр кæнынц. Кæд сывæллæттæ ахуыры рæстæг исты зындзинæдтимæ фембæлынц, уæд сын фыццаг æххуысгæнæг сæ ахуыргæнæг Таугазты Ларисæ.Æдзух сæ фарсмæ ис. Специалистты ныхæстæм гæсгæ, полилингвалон ахуырад сывæллæттæн æрмæст сæ зонындзинæдтæ нæ фылдæр кæны, фæлæ ма сын сæ миддуне дæр хъæздыгдæр кæны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv