Беслæны аэропорты бæлццæтты нымæц сырæзт 26%

Беслæны аэропорт 2019-æм азы куыстæн хатдзæгтæ скодта. Бæлццæтты нымæц, æндæр азимæ абаргæйæ, сырæзт 26%. Йæ лæггæдтæй йын спайда кодтой 565 мин бæлццоны. Уый тыххæй хъусын кæнынц аэропорты пресс-службæйæ. Афтæмæй, 2018 азимæ абаргæйæ, аэропорт кæмæн балæггад кодта, уыдоны нымæц фæфылдæр 117 мин адæймаджы. Ахæм æнтыстдзинад къухы бафтыд фыццаг хатт. 12 мæймæ аэропорт сарæзта 4 мин рейсы. Уый, 2018 аз куы райсæм, уæд у 13%-æй фылдæр. Уæзæгтæ уæлдæфон наутыл, ивгъуыд аз, аластой 636 тоннæйы бæрц. Фæсарæнтæм фарон атахт 20 мины 446 бæлццоны. 14% фылдæр, 2018 азимæ абаргæйæ. «Аэрофлот» æмæ «Smartavia» авиакомпаниты фæрцы Беслæны аэропортæй атæхæн ис Ростов æмæ Сочимæ. Уыимæ ма Мæскуы, Санкт-Петербург æмæ Туркмæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv