Сывæллæтты музыкалон театр «Премьера» сси Мæскуыйаг конкурсы уæлахиздзау

Сывæллæтты музыкалон театр «Премьера» сси Мæскуыйаг конкурсы уæлахиздзау. Сарæзтой йæ «Салют талантов» - æппæтадæмон аивдон проекты фæлгæты. Æрæмбырд дзы сты 500 адæймагæй фылдæр. Уыдон Мæскуы, Казахстан, Армени, Турци æмæ æндæр бæстæтæй. Нæ республикæйы сывæллæтты сфæлдыстады галуаны ахуырдзаутæ рамбылдтой цалдæр номинацийы. Зæгъæм, «Премьерæ»-йы æрыгон актертæ «Театр танца» æмæ «Драмон театры» номинациты ссисты 1-æм къæпхæны лауреаттæ. Æмдзæвгтæ дзурынмæ дæр сарæхстытсы, уым ссисты 1-æм æмæ 2-æм къæпхæны лауреаттæ. Уымæй уæлдай, сæрмагонд лæвæрттæ æмæ гранттæй та хорзæхгонд æрцыдысты сывæллæтты музыкалон театр «Премьерæ»-йы ахуыргæнджытæ. Хореографийы хайады хуыздæр режиссер сси Елена Смирнова, уымæн радтой фестивалы лæвар æмæ грант. Тагъд рæстæджы ацæудзæн Санкт-Петербургы цы культурон æмæ аивадон форум цæудзæн, уымæ. Режиссер Наталья Ахтырцева та нымад æрцыд хуыздæр ахуыргæнæгыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv