Парти "Иугонд Уæрæсе"-йы активисттæ Донецкы адæмон республикæйæ сывæллæттæн скъоламæ хъæугæ дзауматæ

Республикæйы цæуы хæрзаудæн акци "Бацæттæ кæн сывæллоны скъоламæ". Парти "Иугонд Уæрæсе"-йы регионалон хайады минæвæрттæ æмæ "Æвзонг гвардийы" активисттæ ног ахуыры азмæ Донецкы адæмон республикæйæ сывæллæтты срæвдз кæнынмæ фæкастысты. Сабитæ рæстæгмæ цæрынц сывæллæтты санатори "Юность"-ы. Уымæй уæлдай ма Запорожьейы облæсты Черниговы районмæ арвыстой 100 хызыны æмæ фыссæнгæрзтæ фыццагкъласонтæн. Æмткæй райсгæйæ ацы аз акцийы фæлгæты æххуыс райсдзысты 500 фæкæсинаг æмæ бирæсывæллонджын бинонтæ.