Æппæтуæрæсеон адæмон фронты уæнгтæ мобилон афтектæ саразыны куыст бæрæг кæнынц

Æппæтуæрæсеон адæмон фронты уæнгтæ фæсидтысты республикæйы æнæниздзинад хъахъхъæнынады министрадмæ, цæмæй фæтагъддæр кæной афтектæ аразыны хъуыддаг ног фелсырон-акушерон пунктты. Алагиры, Мæздæджы, Æрæфы æмæ Дыгуры районты хъæуты цæрджытæ сæ хъаст бахастой адæмон фронты регионалон хайадмæ, хостæ æлхæнынмæ ӕмӕ, льготæйӕ падагæнгæйæ цы медикаменттæ æмбæлы, уыдонмæ сæ районмæ цæуын кæй бахъæуы, уый тыххӕй. Уæвгæ, Фелсырон-акушерон пунктты афтектæй кæй нæй, уый адæмон фронты уæнгтæ фæбæрæг кодтой сæ мониторингты рæстæг дæр. Аиуварсгæнинаг фарстайы аххосаг у медицинон куыстуæтты лицензи исыны хъуыддаг кæй адæргъвæтин ис, уый. Уæдæ цыбыр рæстæгмæ нæ бантыст бынæтты сæвæрын сæрмагонд кусæнгæрзтæ дӕр, сахуыр кæнын медицинон кусджыты. Уæ зæрдыл уын æрлæууын кæндзыстæм, ацы бонты аппаратон æмбырды республикæйы сæргълæууæг бабар кодта, стационаронтæ кæм нæй, уыцы хъæутæм мобилон афтектæ арвитын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv