7-æм ноябры Дзæуджыхъæуы фæндæгтæй иуæй-иутæ уыдзысты æхгæд

Горæты администрацийæ хъусынгæнинаг. Райсом Дзæуджыхъæуы Октябры революцийы 101 азы бæрæгбоны мадзæлттæ кæй цæудзысты, уый тыххæй горæты цалдæр уынджы уыдзысты æхгæд. Хæдтулгæтæн дзы сæ бон ахизын нæ уыдзæн райсомы 8 сахатæй 16 сахатмæ. Кæй æрæхгæндзысты, уыцы уынгты номхыгъд ныртæккæ уынут уæ экрантыл: Байаты Гаппойы уынг (Штыбы фæзæй Сæрибары фæзы онг), Сабырдзинады проспект (Сæрибары фæзæй Кировы уынджы онг), Дзанайы-фырты уынг (Миллеры уынгæй Вахтанговы уынджы онг), Горькийы уынг (Ленины уынгæй Хъыбызы-фырты уынджы онг), Хъыбызы-фырты уынг (Станиславскийы уынгæй Горькийы уынджы онг), Куйбышевы уынг (Вахтанговы уынгæй Сабырдзинады проспекты онг), Миллеры уынг (Некрасовы уынгæй Театралон фæрсуынджы онг), Театралон фæрсуынг (Баллайы-фырты уынгæй Сабырдзинады проспекты онг), Станиславскийы уынг (Баллайы-фырты уынгæй Сабырдзинады проспекты онг). Уыцы-иу рæстæг Сабырдзинады проспектыл нæ цæудзысты трамвайтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv