Æппæтадæмон пъæлицæйы Ассоциацийы регионалон хайадыл сæххæст 15 азы

Æппæтадæмон пъæлицæйы Ассоциацийы Цæгат Ирыстоны регионалон хайадыл сæххæст 15 азы. Кадджын мадзалы архайдтой Уæрæсейы секцийы пъæлицæйы инæлар-лейтенант Юрий Жданов. Уæрæсейы мидхъуыддæгты раздæры министр Анатолий Куликовы чызг Наталья Куликова æмæ æндæр кадджын уазджытæ. Афтæ ма бæрæгбонмæ саккаг кодтой Хуссар Ирыстоны мидхъуыддæгты министрады минæвæрттæ, сæ сæргъы министр Наниты Игорь, афтæмæй. «ЦæгатКавказэнерго»-йы Дзæуджыхъæуы филиалы разамонæджы хæдивæг Гæцойты Светланæ æмæ `ндæртæ. Цæгат Ирыстоны парламенты сæрдары номæй кады гæххæттытæй схорзæхджын кодтой Юстицийы дæлбулкъон Мильдзыхты Михаилы, пъæлицæйы дæлбулкъон Гуытъиаты Аланы æмæ пъæлицæйы ветеран Уалыты Артуры. Министрты Советы кады гæххæты аккаг та ссис пъæлицæйы дæлбулкъон Кочиты Зæринæ. Æрхъуыды кодтой мидхъуыддæгты министрады ветеранты дæр. Кадджын мадзалы фæстæ уазджытæн сарæзтой балц Цæгат Ирыстоны мидхъуыддæгты министрады музейы. Мысæн залы уазджытæ иу минут æдзæмæй алæууыдсты, се `мкусджытæй чи фæмард, уыдоны нæмттæ мысгæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv