Интернетæй зонындзинæдтæ

Ивгъуыд азæй нырмæ Цæгат Ирыстоны паддзахадон университеты кусы «Яндекс.Лицей». Программæтæ фыссын сахуыр кæнын кæй фæндыд, уыдонæн се 'ппæтæн фадат нæ фæцис лицеймæ бахауынæн. Скъоладзауты `хсæн лæмбынæг æвзæрстой хуыздæрты. 100 адæймагæй дзы равзæрстой 20. Ахуыры райдиан компани «Яндекс»-ы сæрмагондæй цæттæ кодтой зондамонджыты дæр. Цавæр æнтыстдзинæдтæ æвдисынц ныридæгæн курсыты ахуырдзаутæ, уый зоны нæ уацхæссæг. Цæмæй хуыздæрты хсæнмæ бахауой, уый тыххæй ацы фæсивæд зын фæлварæнтæ радтой. Яндексы кусджытимæ кодтой сæрмагонд ныхас. Хуыгаты Марат ам ахуыр кæны 6 мæйы. Фæлæ йæ фидарæй æмбары, компьютерты программæтæ фыссын нæ фидæны ахсджиаг хъуыддаг у. Кæд раздæр хæдзары ацы зонад ахуыр кæнын зын уыд, уæд ныртæккæ дæсныты `хсæн йæхиуыл фервæссыд. Хугаев Марат:«Раздæр программæты фыссынады нæ архайдтон. Мæхæдæг чингуыты æмæ интернеты руаджы ахуыр кодтон. Ам та мын бæстонæй амонынц ацы дæсныйады сусæгдзинæдтæ». Дзæуджыхъæуы «Яндекс.Лицей»-ы уроктæ 1-æм октябры райдыдтой. Вæййынц къуыри æртæ хатты, дыгай сахæттæ. Уымæй уæлдай ма лæвар. Ахуыр кæныны бар дзы ис куыд скъоладзаутæн, афтæ ахуыргæнджытæн дæр. Æлборты Виктория, ахуыргæнæг: «Ацы ахуырты фæрцы программæты фыссынады дæсныйад фæсивæды `хсæн фæхуыздæр вæййы. Бирæ скъоладзаутæ йæ зонгæ дæр нæ кæнынц, куыд цымыдисаг сты уроктæ, уый. Сæ руаджы фидæны сæ дæсныйад дæр равзардзысты. Ныртæккæ кусынц æххæст информациимæ. Фæстæдæр сæ бон хъæзтытæ æрхъуыды кæнын дæр уыдзæн». 8 æмæ 9 къласты скъоладзаутæ ахуыр кæндзысты дыууæ азы. Специалисттæ куыд зæгъынц, афтæмæй фæсивæд хорз бæрæггæнæнтæ æвдисынц. Сæ рæдыдтытæ къаддæрæй-къаддæр кæнынц. Уæрæсейы æмтгæй райсгæйæ сты астæуккаг къæпхæныл. Фидæны аз Цæгат Ирыстоны Паддзахадон университеты дæлбар цы лицей ис, уым æрыгон математиктæ æмæ информатиктæн уыдзæн ахуыр кæныны бар. Хуыздæр бæрæггæнæнтæ чи равдиса, уыдоны та практикæмæ ахондзысты Яндексмæ. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv