Цæгат Кавказы хæххон металлургон институты студенттæ стажировкæ цæудзысты «Южуралзолото» йы

Цæгат Ирыстоны уæлдæр ахуыргæнæндоны студенттæ курсытæ ацæудзысты «Южуралзолото»-йы паддзахадон компаниты. Дæсныйад бæрзонддæргæнæн ахуыртæ пайда уыдзысты Цæгат Кавказы хæххон-металлургон институты студенттæн. Стажировкæйы рæстæг æрыгон специалисттæ, гæнæн ис, æмæ куыст дæр ссарой. Уый тыххæй бадзырд «Южуралзолото»-имæ æрæджы бафыста институты разамынд. Куыст кæмæн радтой, уыдонæн лæвæрд цæудзысты æппæт социалон лæггæдтæ дæр. Уый размæ куыстуат бабæрæг кодта Цæгат Кавказы хæххон-металлургон институты ректор Юрий Дмитрак. Базонгæ ис, Сыбыры компани цы ног технологитæ æмæ кусæнгæрзтæй пайда кæны, уыимæ. Студенттæн дзы ног зонындзинæдтæ амондзысты дæсны æмæ фæлтæрдджын специалисттæ. «Южуралзолото»-йы куыстуæтты араздзысты наукон иртæстытæ æмæ инновацион куыст. Паддзахадон компани «Южуралзолото» у, сыгъзæрины куыст кæм кæнынц, Уæрæсейы ахæм егъаудæр компанитæй иу. Сызгъæрины куыст кæнынц Челябинскы облæсты. Цæгат Кавказы хæххон-металлургон паддзахадон институт та у нæ бæстæйы хуыздæр техникон уæлдæр ахуыргæнæндæттæй иу. Ис дзы 12 факультеты: хæххон-геологон, металлургон, электромеханикон, архитектурон - арæзтадон æмæ æндæртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv