Уæлахизы боны 75 азы кадæн Цæгат Кавказы 4 регионы сараздзысты велосипедтыл дугъ

Уæлахизы боны 75 азы кадæн Цæгат Кавказы 4 регионы сараздзысты велосипедтыл дугъ. Йæ дæрддзæф уыдзæн 220 километры. Йæ архайджытæ Фыдыбæстæйы Стыр Хæсты егъаудæр тохтимæ баст цыртдзæвæнтыл равæрдзысты дидинджытæ. Мадзал райдайдзæн майы Кæсæг-Балхъары. Дарддæр Цæгат Ирыстон, Мæхъæл æмæ Цæцæны республкæтæ. Акци цæуы «Иугонд Кавказ - Уæлахизы боны 75 азмæ» проекты фæлгæты. Йæ амидингæнджытæ рамбылдтой Уæрæсейы президенты грант. Спортивон клуб «Рамзан»-ы разамонæг Мурат Халакоевы ныхæстæм гæсгæ, ахæм мадзалы `руаджы регионты 'хсæн фæсивæды бастдзинад фидардæр кæны. Велосипедтыл дугъы архайдзæн 30 адæймагæй фылдæр. Райдайдзæн Налцыккы, Уæлахизы монументы бынаты, уый фæстæ араст уыдзысты Елхотмæ, Æрджынарæджы цыртдзæвæнмæ. Велосипедтыл дугъ фæуыдзæн Цæцæны республикæйы, Ахмат Кадыровы номыл мемориалон комплексы. Аразджыты ныхæстæм гæсгæ, проект гæнæн ис æмæ цæудзæн æрвылаз. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv