Национ проект «Демография»-мæ гæсгæ райдыдтой амайын 15 ног спортивон объекты

Цæгат Ирыстоны национ проект «Демография»-мæ гæсгæ райдыдтой амайын 15 ног спортивон объекты. Уый тыххæй хъусын кæны нæ республикæйы физкультурæ æмæ спорты министр Хуыгаты Алан. Ног объектты хсæн гом арвы бын физкультурон-дзæбæхгæнæн комплекс дæр. Цæмæй йæ куыд æмбæлы ахæм кусæнгæрзтæй сифтонг кæной, уый тыххæй дихгонд æрцæудзæн 25 милуан сомы. Уымæй уæлдай ма районты цæрджытæн фæнд кæнынц саразын 9 бирæвæрсыг фæзуаты æмæ 4 физкультурон-дзæбæхгæнæн комплексы. 4 районы ма фæзындзæн чысыл фæзуæттæ, адæм фæллой æмæ хъахъахъæнынадмæ цæттæдзинады нормæтæ кæм сæ бон уыдзæн раттын, ахæмтæ. 2020-æм азы кæронмæ ма фæуыдзысты амад спортивон хъæбысхæстæй тренировкæгæнæн центр. Хуыгаты Аланы ныхæстæм гæсгæ ацы спорты хуыз нæ республикæйы ахсы фыццаг бынат, ахæм объекттæ та фаг не`сты. Ног объекттæ спортимæ баст чи сты, уыдоны нымæц зынгæ фæфылдæр уæндзæн. Ныридæгæн, нæ республикæйы спортæй чи архайы, уыдоны нымæц проценттæм гæсгæ у 36,6. Уæ зæрдыл уын æрлæууын кæндзыстæм, национ проект «Демография», зæгъгæ æмбырд кæны 5 федералон проекты. Ацы 5 азмæ проекты иумæйаг бюджет уыдзæн 3,1 трлн сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv