«Учитель будущего» - ахæм конкурсы архайынц Цæгат Ирыстоны ахуыргæнджытæ

«Учитель будущего» - ахæм конкурсы архайынц Цæгат Ирыстоны ахуыргæнджытæ. 324 ахуыргæнæджы регистрацигонд æрцыдысты профессионалон конкурсы сæрмагонд сайты. Уый тыххæй та сын стыр æххуыс фесты, сæ куысты ног æмæ цымыдисаг практикон ахуыртæй чи пайда кæны, уыцы дæсны ахуыргæнджыты къордтæ. Ис дзы фæйнæ æртæ адæймаджы. Æдæппæтæй ацы конкурсмæ сæ курдиæттæ балæвæрдтой 40 мин ахуыргæнæгæй фылдæр. «Учитель будущего» конд у 4 къæпхæнæй: регистраци, уæлæмхасæн, æрдæгфинал æмæ финалæй. Зæгъæм, 21-æй 31 январмæ арæзт æрцæудзæн уæлæмхасæн къæпхæн. Уым конкурсы архайджытæ хъуамæ сæхи равдисой онлайн-тестировани кæй хонынц, уым. Хуыздæр бæрæггæнæнтæ цы командæтæн уа, уыдон бахиздзысты æрдæгфиналмæ. Уым та сæм æнхъæлмæ кæсдзæн «педагогический триатлон»: дебаттæ, методикон конструктор æмæ æндæртæ. Регионалон æрдæгфиналы уæлахиздзауты та равзардзысты федералон зылдты экспертты бæрæггæнæнтæм гæсгæ. Конкурсы кæронбæттæны къæпхæн ацæудзæн апрелы. Финалисттæ дæр хъуамæ сæхи равдисой сæрмагонд хæслæвæрдты. Конкурс «Учитель будущего»-йы чи рамбула, уыдонæн та фадат уыдзæн сæ фæлтæрддзинад фæуæлдæр кæнын. Сæ зонындзинæдтæ нæ бавгъау кæндзысты нæ бæстæйы раззагдæр эксперттæ. Уымæй уæлдай ма сæ бон уыдзæн ахуырадон организициты стажировкæ ацæуын. Бафиппайын ма хъæуы уый, æмæ ацы конкурс кæй у проект «Россия - страна возможностей»-йы платформæ. Арæзт цæуы федералон проект «Социальные лифты для каждого», зæгъгæ, «Ахуырад»-ы националон проекты фæлгæты. Æрвылаз ацы ерыс аразынц Уæрæсейы рухстауыны министрæды руаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv