Æрыгон уæлахиздзаутæ

Дзæуджыхъæуы цыдысты хæстон хъæбысхæсты хуызтæй ерыстæ. 6 азæй 17 азы онг кæуыл цæуы, уыцы 200 спортсменæй фылдæр сæ тыхтæ фæлвæрдтой грепплинг æмæ панкратионæй. Ерыстæ аразджыты хъуыдымæ гæсгæ ацы спорты хуызтæ фæсивæды кæнынц тыхджындæр æмæ фæразондæр. Грепплингы секцитæ республикæйы æрæджы фæзындысты, панкратион та - æрмæстдæр фарон. Фæлæ спорты ацы хуызтæ фæсивæды зæрдæмæ цæуынц æмæ дзы зæрдиагæй архайынц. Цыбыр рæстæгмæ уыдысты бирæ ерысты æмæ дзы сæхи хорз равдыстой. Джусойты Сæрмæт - панкратионæй ерысты архайæг: " Уыдыстæм Уфайы, хæцыдыстæм 2 категорийы. Нæхи куыд равдыстам, уый нæ тренеры зæрдæмæ фæцыд, раппæлыд нæ. Рамбылдтам дзы бирæ майдантæ. Зæгъæн ис æмæ нæкомандæйы уæгтæй алчидæр рамбылдта майдан. Ныхмæлæуджытæ дæр тыхджын уыдысты æмæ сыл кæй фæтых стæм, уый дæр цæуыл дæр дзурæг у. Махæн у æнтыстдзинад" . Фардзинты Роберт - РЦИ-Аланийы панкратионы федерацийы вице-президент: " Спортсменты цæттæдзинадæй зæрдæ райы. Рæзынц, сæхиуыл кусынц. Тынг цымыдис сæм кæсы æмæ сæ уый разæнгард кæны хуыздæр бæрæггæнæнтæ равдисынмæ. Хорз ма уый у æмæ спорты ацы хуызæй архайгæйæй сывæллæттæ нæ фæцæф вæййынц. Ацы ерыстæ та банымадтой Ног азы лæварыл. Рамбылдтой сызгæрин майдантæ. Уый та у æппæтæй стырдæр æмæ æхсызгон лæвар". _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv