1-æм январæй социалон æгъдауæй æххуысцух чи у, уыдонæн дæттынц æрвылмæйон фиддонтæ сывæллоны райгуырд æмæ хъомыл кæныны тыххæй. Фиддон исынц 17 азы онг сывæллæттæ кæм ис, ахæм бинонтæ, стæй æнхъæлцау сылгоймæгтæй рагагъоммæ хыгъды чи слæууыди, уыдон. Уыимæ ма æнæмæнг домæн - хъуамæ нæ бæстæйы цæрой. Курдиат бадæттын хъæуы паддзахадон лæггæдты порталы, бирæвæрсыг центртæ кæнæ Социалон фонды уылты. Æххуыс чи исы, уый йæ алы аз дæр хъуамæ сног кæна, цæмæй паддзахад уына, нырма æххуысхъуаг у, уый. Ацы социалон гæнæн баиу кодта сывæллæттæ цы бинонты ис, уыдоны фиддонтæ иууылдæр. 2023-æм азы размæ сабитæ цы бинонты райгуырд, уыдонæн сæ бон равзарын у, раздæры фиддонтæ ныууадзой, æви ног иумæйаг фæрæз исын райдайой. Прокуратурæмæ лӕвӕрд курдиӕттæй бӕрӕг у, цæрджытӕ иумӕйаг фиддонӕй уӕлдай уӕлӕмхасӕнтӕм дӕр кӕй ӕнхъӕлмӕ кӕсынц.