Дзæуджыхъæуы сæйраг парчы цалцæггæнæн куыстытæ дарддæр æххæстгонд цæуынц

Дзæуджыхъæуы сæйраг парчы цалцæггæн куыстытæ дæрддæр кæнынц. Арæзтадон объект бабæрæг кодта горæты администрацийы сæргълæууæг Æлбегаты Барис. Ныртæккæ уал парчы бавнæлдтой цадтæ сыгъдæг кæнынмæ. Ацы аз куыстытæн радих кодтой 70 милуан сомы. Фæнд кæнынц 5 мин квадратон метры къæйдуртæ сæвæрын. Ныссаддзысты дзы аив зайæгойтæ. Уымæй уæлдай ма сæйраг парчы астæу цы хид ис, уымæ дæр базилдзысты. Историон нысаниуæг цы фонтанæн ис, уый рацарæзты проектыл дæр кусынц. Цадты кæрæтты цы быру ис, уый ногæй баивдзысты. Уæ зæрдыл уын æрлæууын кæндзыстæм, парчы цалцæггæнæн куыстытæ федералон программæ «Формирование комфортной городской среды»-йы фæлгæты кæй кæнынц. Ивгъуыд аз куыстытæн сæ фылдæр кæронмæ ахæццæ ис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv